Gizarteratzea eta auzoen arteko oreka

Aurkene

Iruñean bizi diren pertsonak dira hiriko aktibo nagusia, eta, horregatik, bertan bizi diren pertsona guztientzat diseinatu behar da. Sozialki inklusiboa eta lurralde-oreka duen hiri batek herritar guztien garapen ekonomiko eta soziala bultzatzen du, adinaren, gaitasun fisiko edo intelektualen edo maila sozioekonomikoaren arteko bereizketarik gabe.

Helburu estrategikoak

• Iruñea, hiritar guztiei pertsonalki eta profesionalki garatzeko tresnak emango dizkien hiri integratzailea. Bereziki, kalteberatasun-egoeran dauden pertsona guztiak lan-merkatuan sartzea erraztuz eta interakzio sozialerako aukerak eskainiz, kulturen arteko eta belaunaldien arteko harremanak erraztuz.
• Auzoen arteko oreka, ekipamendu eta zerbitzu publikoak bidezkoak izan daitezen eta, horrela, auzoen araberako bereizketa sozioekonomikoa murriztu dadin.
• Pertsonen eguneroko hornidura-, kontsumo- eta aisialdi-beharrak asetzen dituzten hurbileko merkataritza eta zerbitzuak. Merkataritza funtsezko sektorea da, bere izaera egituratzaileagatik, auzoen bizitasunari eta nortasunari egiten dion ekarpenagatik, irudi onagatik eta hiriaren eta beste batzuen arteko bereizketagatik.
• Etxebizitza eskuragarria, irisgarria eta energetikoki eraginkorra, herritarren behar berrietara egokituko dena, aldaketa sozialen eta familia- eta bizikidetza-eredu berrien ondorioz.