Deskribapena
Saio ireki eta doako honetan (ez da beharrezkoa aldez aurretik izena ematea), Smart Iruña Lab programaren IV. edizioan ezarritako hiru proiektu pilotuen emaitzak aurkeztuko dira. Aipaturiko programa Ideia berritzaile eta eskalagarrien laborategia da, eta arazo errealei ikuspuntu berritzaileetatik aurre egitea du xede.
Udalak mota horretako proiektuak benetako ingurune batean probatzeko aukera eman die hautatutako proiektuei, bai eta berrikuntzari (negozio-ereduak, komunikazioa, networkinga, etab.) lotutako aholkuak eta prestakuntza ere ekintzailetzan espezializatutako aholkularitza-enpresa baten bidez, eta hautatutako pertsona eta enpresei proiektuen eta emaitzen berri emateko bideak eskaini dizkie.
Edizio honetan hiru proiektu probatu dira hirian: NTDEnergyren Lakota plataforma, ibilgailu elektriko modularren sistema bat azken miliako logistika testuinguruetan; Hidro23- Compsystem, North Delta konpainiaren konposatu biodegradagarri bat, urari eutsi eta ureztatze-efizientzia hobetzen duena, eta LIFIoT, Nexio Ingenieria 2024 enpresaren proposamena zerbitzu publikoen lurrazpiko galeriak digitalizatzeko.