Deskribapena
Duela hiru urtez geroztik, Iruñeko Udala hirietako birnaturalizatzeari lotutako jarduketak egiten ari da RUNA 2025 proiektuaren barnean. Proiektu honen emaitzak azaroaren 20an aurkeztuko dira jardunaldi batean: goizeko saioan, egindako jarduketetako hiru bisitatuko dira, eta arratsaldekoan, proiektuaren emaitza nagusiei buruzko hitzaldiak eginen dira.
RUNA 2025 proiektuaren jarduketen artean daude hiriko azpiegitura berde eta urdina handitzeko eta hobetzeko plan bat diseinatzea, Ilundaingo errotaren inguruan ibai-erreserba bat sortzea, ibai ertzak bertako espezieekin birlandatzea, espezie inbaditzaile exotikoak erauztea, uraren kalitatea kontrolatzea eta eskoletako jolastokiak birnaturalizatzea. RUNA 2025 proiektuaren xedea da espazio publikoa hobetzea erresilienteago bihurtzeko, ibaien ondoko eremu narriatuak berreskuratzea eta Arga, Elortz eta Sadar ibaien inguruak era naturalean gara daitezen laguntzea, haien ekosistemak berreskura ditzaten.
RUNA 2025 proiektua Trantsizio Ekologikorako eta Erronka Demografikorako Ministerioaren (MITECO) Biodibertsitate Fundazioaren 2021eko hirien birnaturalizaziorako laguntza-deialdiko 2,7 milioi eurorekin finantzatzen da, Europar Batasunak eta Next Generation EU funtsek finantzatutako Suspertze, Eraldatze eta Erresilientzia Planaren esparruan.
Argibide gehiago