2026\/03\/17<\/p>\n\n
Joan den martxoaren 16an, astelehenarekin, Joxe Abaurrea, Gobernu Estrategikoko, Hirigintzako, Etxebizitzako eta 2030 Agendako Zinegotzi Ordezkariak, Uxua Dombl\u00e1s arlo horretako zuzendariak eta Idoia Madariaga (PCH-IB, SA) Iru\u00f1a Biziberritzen SA erakundeko zuzendari kudeatzaileak Iru\u00f1eko Alde Zaharreko diagnostikoaren ondorioak aurkeztu zituzten.<\/p>\n\n
Diagnostikoan Etxebizitzaren arloan Esku-hartzeko aurreko Planaren (2005) zein 2005 eta 2024 artean Alde Zaharrean esku pribatuek egindako zaharberritze jarduketen azterketak jasotzen dira.<\/p>\n\n
Ondorio horien artean, Iru\u00f1a Biziberritzen SAk auzorako berriki aurkeztutako Etxebizitza Planari ematen zaion babesa nabarmentzen da. Plan horren xedeen artean, besteak beste, datozen hamar urteetan babestutako 100 etxebizitza eraikitzea dago, nagusiki pertsona eta familia gazteendako, gazteen emantzipatzeko aukera hobetzeko eta auzoak behar duen belaunaldi-aldaketa gertatzeko.<\/p>\n\n
Diagnostiko horretatik abiatuta, 2025-2035 aldirako Alde Zaharreko Etxebizitza Plan berriak lau jarduketa-ildo nagusi<\/strong> definitzen ditu: etxebizitza parkea berritzea, auzoko bizigarritasuna hobetzea eta belaunaldien arteko erreleboa bideratzea:<\/p>\n\n 1- Lehentasunezko eremuetan etxebizitza publikoaren sustapena indartzea, eta Lehentasunez Esku-hartzeko Eremuetan lanean jarraitzea. Higiezinak erosi eta sustapen publikoak egitea bultzatzen jarraituko da, hondatuen dauden eraikinak berritzeko eta babes mailaren bat duten etxebizitza berriak jartzeko merkatuan.<\/p>\n\n 2- Badagoen bizitegi-parkea osorik zaharberritzea sustatzea, irisgarritasuna, energia-efizientzia eta auzoko eraikin zahar eta hauskorrenetako bizigarritasun baldintzak hobetzea ahalbidetzeko jarduketei lehentasuna emanda.<\/p>\n\n 3- Etxejabe-komunitateei ematen zaien laguntza teknikoa indartzea, eta, zaharberritze prozesuak bideratzea gertuko zerbitzuen bidez: bizilagunei lanen diagnostiko, proiektu, finantzaketa eta egikaritze aldietan laguntzea.<\/p>\n\n 4- Esku-hartze publikorako eta lankidetza publiko-pribaturako formula berriak bilatzea, Alde Zaharreko eraikin edo etxe-multzoetan eragiketa konplexuak aktibatzeko, baita etxebizitza-eredu berritzaileak sustatzeko ere, auzoaren bizitegi izaerari eusteko.<\/p>\n\n Hala, hiria aurrera doa Iru\u00f1a 2030 Hiri Agendako proiektu estrategikoetan ezarritako xedeak erdiesteko bidean, besteak beste proiektu hauekin: PE201 – Iru\u00f1a eta auzoak<\/a>, PE206 – Hiri-berroneratzea<\/a> eta PE219 – Auzoetako Energia-berroneratzea<\/a>.<\/p>\n\n