Hamabost udal eta kontzejutako ordezkariak joan den urriaren 24an bildu ziren, Iru\u00f1eko Udalak eta Iru\u00f1erriko Mankomunitateak deituta, jakiteko ea beren udalerrietan ezarri nahi duten gaur egun Iru\u00f1ean martxan dagoen bizikletak alokatzeko sistema.<\/p>\n\n
Lehen bilera horren ondoren, hurrengo hitzordu baterako deia egin da. Aurreikusi da bertan aztertzea sistema zabaltzeak udalerri bakoitzean izanen duen eragin ekonomikoa. Ride On enpresaren bidezko zerbitzuaren emakida likidatzeko prozesuan, Iru\u00f1eko Udalak 40 geltokiren eta 400 bizikletaren stocka eta horiek instalatzeko eta merkaturatzeko eskubideak erosi zituen, zerbitzua etorkizunean zabaldu ahal izateko.<\/p>\n\n
Bilera horien bidez, Iru\u00f1eko Udalak eta Iru\u00f1erriko Mankomunitateak baloratu nahi dituzte bizikleta-lotura hurbileko udalerrietara zabaltzeko nahia eta aukera, bidegorriak bezalako azpiegituretatik edo mugikortasun iraunkorreko politiketatik haratago. PE 107 Iru\u00f1erriko mugikortasuna PMUS-HMJP<\/a> proiektu estrategikoari lotutako ekimen honen bidez, bizikleta elektrikoak alokatzeko sistema zabaldu nahi da, gaur egun Iru\u00f1eko sistemak dituen ezaugarri berberekin, beste herri batzuetara, herritarren mugikortasuna erraztu eta garraiobide iraunkorrak sustatzeko.<\/p>\n\n